የ2019 ዓ.ም የመጀመሪያ የፅዳት ንቅናቄ ተካሄደ
የንጋት ኮከብ ቅ/አ/ደ/ት/ቤት የ2019 ዓ.ም የመጀመሪያውን የፅዳት ንቅናቄ በት/ቤቱ በማካሄድ የዓመቱን የፅዳትና የንፅህና ተግባር አስጀምሯል።
የፅዳት ንቅናቄው በየሳምንቱ ዓርብ በመደበኛነት እንዲካሄድ የተዘጋጀ ሲሆን፣ ዋና ዓላማውም በት/ቤቱ ውስጥ ንፁህ፣ ጤናማ፣ ውብና ለትምህርት ምቹ የሆነ አካባቢ መፍጠር፣ የፅዳት ባህልን ማጎልበት እና ሁሉም የት/ቤቱ ማህበረሰብ በንፅህና ጉዳይ ላይ የጋራ ኃላፊነቱን እንዲወጣ ማበረታታት ነው።
በንቅናቄው የተለያዩ አካላት ተሳትፈዋል
በዕለቱ በተካሄደው የፅዳት ንቅናቄ ላይ የየካ ክ/ከተማ ወረዳ 06 ጽ/ቤት የተለያዩ የሥራ ኃላፊዎች፣ ቡድን መሪዎች፣ ሱፐርቫይዘሮች፣ ባለሙያዎች፣ መምህራን፣ የአስተዳደር ሠራተኞች እንዲሁም የት/ቤታችን ውድ ተማሪዎች በንቃትና በተሳትፎ ተገኝተዋል።
የተለያዩ የት/ቤቱ ማህበረሰብ አካላት በአንድነት መሳተፋቸው የፅዳትና የንፅህና ሥራ የአንድ አካል ብቻ ሳይሆን የሁሉም የጋራ ኃላፊነት መሆኑን በተግባር ያሳየ ነው።
የመክፈቻ መርሃ ግብርና ንግግሮች በዕለቱ ከተጋባዥ እንግዶች ጋር በመሆን የተካሄደውን መርሃ ግብር የት/ቤታችን ዋና ር/መ/ር አቶ ኤፍሬም ቱቾ እና የቅድመ አንደኛ አስተባባሪ መ/ርት ጌጤ ጫላ በመክፈቻ ንግግር አስጀምረዋል።
ዋና ር/መ/ር አቶ ኤፍሬም ቱቾ በንግግራቸው የፅዳትና የንፅህና ሥራ ለት/ቤቱ ማህበረሰብ ያለውን ጠቀሜታ በማስረዳት፣ ንፁህ የትምህርት አካባቢ ለተማሪዎች ጤናማና ምቹ የመማሪያ ሁኔታን ለመፍጠር ያለውን አስተዋፅኦ አጽንዖት ሰጥተዋል።
በመቀጠልም የወረዳ 06 ንፅህና አስተዳደር ጽ/ቤት ኃላፊ በመርሃ ግብሩ ላይ ንግግር አድርገው፣ የፅዳትን አስፈላጊነት፣ ለጤናማ አካባቢ ያለውን ጠቀሜታ እና የፅዳት ሥራን በቀጣይነት ማከናወን ያለውን ፋይዳ አስመልክተው ገለጻ አድርገዋል።
በመጨረሻም የወረዳ 06 ትምህርት ጽ/ቤት ኃላፊ በመርሃ ግብሩ ላይ ተጨማሪ የመክፈቻ ንግግር አድርገዋል። በንግግራቸውም የፅዳት ሥራ ከጤና ጥበቃ፣ ከአካባቢ ጥበቃ እና ከተማሪዎች የትምህርት ሁኔታ ጋር ያለውን ትስስር በማስረዳት፣ የት/ቤት ማህበረሰቡ የፅዳት ባህልን በየዕለቱ ሕይወታችን እንዲሰርፅ አሳስበዋል።
የንፅህና ጉዳይ የአንድ ቀን ተግባር ሳይሆን በየቀኑ በተግባር መገለጽ ያለበት የጋራ ኃላፊነት በመሆኑ፣ ት/ቤታችን የዓርቡ የፅዳት ንቅናቄ በቀጣይነት በማጠናከር ንፁህና ጤናማ የትምህርት አካባቢን ለመጠበቅ ይሠራል።
🌱 ንፁህ አካባቢ፣ ጤናማ ትውልድ!
በመሆኑም የንጋት ኮከብ ት/ቤት የፅዳትና የንፅህና ተግባራትን በቀጣይነት በማጠናከር፣ ለተማሪዎች ጤናማ፣ ውብና ለመማር ምቹ የሆነ አካባቢ ለመፍጠር ቁርጠኛ ነው።
“ፅዳት የአንድ ሰው ሥራ ሳይሆን፣ የሁላችንም የጋራ ኃላፊነት ነው!”
የንጋት ኮከብ ቅ/አ/ደ/ት/ቤት
2019 ዓ.ም
.
